Ubiquiti USW-Pro-HD-24-PoE kommutatori — L3 boshqariladigan svich

Ubiquiti UniFi Switch Pro HD 24 PoE (USW-Pro-HD-24-PoE) — zamonaviy korporativ tarmoqlar uchun mo‘ljallangan yuqori samarali L3 darajadagi kommutator. Qurilma 2 ta 10 Gigabit Ethernet (PoE++), 22 ta 2.5 GbE PoE++ va 4 ta 10G SFP+ portlari bilan jihozlangan. Umumiy o‘tkazuvchanlik 115 Gbit/s, kommutatsiya tezligi esa 230 Gbit/s ga yetadi.

Bu imkoniyatlar yuqori yuklama ostida ham barqaror ishlashni ta’minlaydi. Qurilma HD video uzatish, katta hajmdagi fayllarni jo‘natish va onlayn xizmatlar bilan ishlashda yuqori tezlikni ta’minlaydi.

Kommutator 600 Vt gacha umumiy PoE quvvat byudjetini qo‘llab-quvvatlaydi. Har bir port 60 Vtgacha (PoE++) quvvat bera oladi, bu esa IP-kameralar, Wi-Fi access pointlar va VoIP telefonlarni qo‘shimcha elektr manbaisiz ulash imkonini beradi. Bu tarmoqni o‘rnatishni soddalashtiradi va xarajatlarni kamaytiradi.

Qurilma PoE+ va PoE++ standartlarini qo‘llab-quvvatlab, turli xil qurilmalarni ulashda moslashuvchanlikni ta’minlaydi.

Funktsional imkoniyatlar

Kommutator 3-darajali kengaytirilgan funksiyalarni taqdim etadi: STP va RSTP protokollarini qo‘llab-quvvatlash, trafikni boshqarish, broadcast va multicast oqimlarini cheklash, flow control, jumbo frame qo‘llab-quvvatlash, tezlikni cheklash, loopdan himoya, port izolyatsiyasi va port mirroring. Ushbu imkoniyatlar tarmoqni samarali boshqarish, uning xavfsizligi va barqarorligini oshirishga yordam beradi.